2024

Soydaşlarımız medallarla təltif edilib

Diasporla İş üzrə Dövlət Komitəsində soydaşlarımız Fəridə Pənahovaya və Niyazi Hacıyevə Azərbaycan Respublikasının Prezidenti İlham Əliyevin Sərəncamı ilə təltif olunduqları “Heydər Əliyevin 100 illiyi (1923-2023)” yubiley medalı, Füzuli Qənbərova və Leyla Məsimliyə isə “Diaspor fəaliyyətində xidmətə görə” Azərbaycan Respublikasının medalı təqdim edilib.

Onlarla görüş zamanı xaricdəki Azərbaycan icmalarının, soydaşlarımızın Prezident İlham Əliyevin və Birinci vitse-prezident Mehriban Əliyevanın diqqətində olduğu vurğulanıb. Soydaşlarımızın yerli cəmiyyətə sıx inteqrasiyası, Azərbaycan həqiqətlərinin təbliğ olunması, zəngin mədəni irsimizin və mədəniyyətimizin tanıdılması istiqamətindəki fəallığı yüksək qiymətləndirilib. Ölkələr arasında qarşılıqlı münasibətlərin inkişafında diasporun özünəməxsus yerinin olması və gələcək fəaliyyətlə bağlı tövsiyələr nəzərə çatdırılıb.

Fəridə Pənahova, Niyazi Hacıyev, Füzuli Qənbərov və Leyla Məsimli fəaliyyətlərinə verilən yüksək qiymətə görə Azərbaycan dövlətinə dərin minnətdarlıqlarını bildiriblər. Hər iki soydaşımız yaşadıqları ölkələrdəki Azərbaycan icmasının vətənimizdə gedən prosesləri yaxından izlədiyini, Azərbaycan Respublikasının Prezidenti, Müzəffər Ali Baş Komandan İlham Əliyevin uğurlu daxili və xarici siyasətini dəstəklədiyini qeyd ediblər. Bundan sonra da diasporumuzun fəaliyyətinin daha mütəşəkkil təmin olunması naminə səylərini əsirgəməyəcəklərini, Azərbaycanın milli maraqlarının təbliği və qorunması istiqamətində fəaliyyətlərini davam etdirəcəklərini söyləyiblər.

Qeyd edək ki, Fəridə Pənahova Böyük Britaniya və Şimali İrlandiya Krallığında yaşayan Azərbaycanlıların Koordinasiya Şurasının üzvü, Britaniya Azərbaycan Cəmiyyətinin rəhbəri, həmin cəmiyyətin nəzdində fəaliyyət göstərən onlayn “Qarabağ” məktəbinin təsisçisi, Niyazi Hacıyev “Aydan” Estoniya-Azərbaycan Mədəniyyət Mərkəzinin rəhbəri, Füzuli Qənbərov Ukrayna Azərbaycanlıları Radasının Poltava Vilayəti İctimai Təşkilatının rəhbəri, Leyla Məsimli Koreya Respublikasında yaşayan soydaşımız, diaspor fəalı, İNHA Universitetinin məzunu, təhsil üzrə tədqiqatçı, fəlsəfə doktorudur.

dostların arasında bunu ilk tövsiyyə edən sən ol
Digər xəbərlər

kaynak:https://diaspor.gov.az/az/news-detail/soydaslarimiz-medallarla-teltif-edilib-5379

2024

Estoniyadakı diaspor təşkilatının rəhbəri medalla təltif olunub

https://x.com/DiasporaAz/status/1866791883395174580

Azərbaycan Respublikasının Prezidenti İlham Əliyevin Sərəncamına əsasən “Aydan” Estoniya-Azərbaycan Mədəniyyət Mərkəzinin rəhbəri Niyazi Hacıyev diaspor fəaliyyətində xidmətlərinə görə “Heydər Əliyevin 100 illiyi (1923-2023)” yubiley medalı ilə təltif olunub.

https://x.com/DiasporaAz/status/1866791883395174580

Diasporla İş üzrə Dövlət Komitəsi sədrinin birinci müavini Valeh Hacıyev Komitədə Niyazi Hacıyevlə görüşərək medalı ona təqdim edib. Soydaşımızın Azərbaycan diasporunun inkişafı, ölkəmizin xaricdə tanıdılması istiqamətində fəaliyyətini yüksək qiymətləndirib, gələcək fəaliyyətlərində ona uğurlar arzulayıb.

https://x.com/DiasporaAz/status/1866791883395174580

Niyazi Hacıyev fəaliyyətinə verilən yüksək qiymətə görə Azərbaycan dövlətinin başçısına dərin minnətdarlığını ifadə edib. Bundan sonra da Avropada Azərbaycanla bağlı müsbət imicin formalaşması, Estoniyada yaşayan soydaşlarımızın bir araya gəlməsi və milli maraqlar uğrunda birgə fəaliyyət göstərməsi naminə səylərini əsirgəməyəcəyini vurğulayıb.

Qeyd edək ki, Niyazi Hacıyev daha öncə “Tərəqqi” və “Diaspor fəaliyyətində xidmətə görə” medalları ilə təltif edilib.

Foto qalereya

dostların arasında bunu ilk tövsiyyə edən sən ol
Digər xəbərlər

kaynak:https://diaspor.gov.az/az/news-detail/estoniyadaki-diaspor-teskilatinin-rehberi-medalla-teltif-olunub-5372

https://x.com/DiasporaAz/status/1866791883395174580

https://x.com/DiasporaAz/status/1847537237065359642

Diasporla İş üzrə Dövlət Komitəsinin sədri Fuad Muradov Kanadanın Ontario vilayətinin Toronto şəhərində fəaliyyət göstərən “Vətən” Azərbaycan İncəsənət və Mədəniyyət Mərkəzinin rəhbəri, Kanada Azərbaycan Evinin icraçı direktoru Lalin Həsənovanı qəbul edib.

https://x.com/DiasporaAz/status/1847537237065359642

Komitə sədri soydaşlarımızın yerli cəmiyyətə sıx inteqrasiyasını, Azərbaycan həqiqətlərinin təbliğ olunması, zəngin mədəni irsimizin və mədəniyyətimizin tanıdılması istiqamətindəki fəallığını yüksək qiymətləndirib. Hazırda xaricdə fəaliyyət göstərən Azərbaycan icmalarının, soydaşlarımızın Prezident İlham Əliyevin və Birinci vitse-prezident Mehriban xanım Əliyevanın diqqətində olduğunu bildirib. Hər iki ölkə arasında qarşılıqlı münasibətlərin inkişafında diasporun özünəməxsus yeri olduğu vurğulanıb və diasporun gələcəkdə bu ölkədəki fəaliyyəti ilə bağlı tövsiyələr nəzərə çatdırılıb.

Lalin Həsənova fəaliyyətinə verilən yüksək qiymətə görə Azərbaycan dövlətinə dərin minnətdarlığını ifadə edib. Kanadada yaşayan soydaşlarımızın bir araya gəlməsi, milli maraqlar uğrunda birgə fəaliyyət göstərməsi baxımından Azərbaycan Evinin böyük rol oynadığını söyləyib. O, evin nəzdində fəaliyyət göstərən “Mənim Azərbaycanım” həftəsonu məktəbində Azərbaycan dili ilə yanaşı, Azərbaycan tarixi, dram, rəsm, rəqs, musiqi və xor, nağara, astronomiya, şahmat dərslərinin də tədris edildiyini diqqətə çatdırıb. O, həmçinin ilk dəfə olaraq “Mənim Azərbaycanım” həftəsonu məktəbində uşaqlar üçün yay düşərgəsinin də təşkil olunduğunu bildirib.

Lalin Həsənovaya diaspor fəaliyyətində xidmətlərinə görə Azərbaycan Respublikasının Prezidenti İlham Əliyevin Sərəncamı ilə təltif olunduğu “Heydər Əliyevin 100 illiyi (1923-2023)” yubiley medalı təqdim edilib.

https://x.com/DiasporaAz/status/1847537237065359642

Qeyd edək ki, 3 aprel 2023-cü il tarixində Kanadanın Ontario vilayətinin Toronto şəhərində rəsmi açılışı olan Azərbaycan Evində müxtəlif tədbirlər keçirilir. Onlarla Kanada rəsmisi Azərbaycan evinin qonağı olub və onlara xalqımızın qədim tarixi, zəngin mədəni irsi və həyata keçirilən layihələr haqqında ətraflı məlumat verilib. Evi ziyarət edən rəsmi şəxslər sırasında Kanada parlamentinin Nümayəndələr Palatasının üzvü Əli Sayrus Ehsassi, Uiloudeyl (Willowdale) Şəhər Şurasının üzvü Lili Çenq, Kanadanın Ontario Qanunvericilik Assambleyasının deputatı Sten Ço, Ontario vilayətinin Turizm, mədəniyyət və idman nazirinin Kanada parlamentində köməkçisi Şeref Sabavi, Ontario Liberal Partiyasının üzvü Andrea Hazell, Kanada parlamentinin üzvü Françesko Sorbara kimi tanınmış və nüfuzlu şəxslər vardır.

Foto qalereya

dostların arasında bunu ilk tövsiyyə edən sən ol
Digər xəbərlər

kaynak:https://diaspor.gov.az/az/news-detail/kanada-yasayan-soydasimiz-medalla-teltif-edilib-5171

https://x.com/DiasporaAz/status/1847537237065359642