Emomali Raxmon – Gazete Katar https://gazetekatar.com Sun, 25 Dec 2022 01:29:09 +0000 tr hourly 1 https://gazetekatar.com/wp-content/uploads/2025/03/cropped-gazete-katar-32x32.webp Emomali Raxmon – Gazete Katar https://gazetekatar.com 32 32 Мулоқот бо Вазири сармоягузории Подшоҳии Арабистони Саудӣ Холид Ал-Фолеҳ https://gazetekatar.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d0%b2%d0%b0%d0%b7%d0%b8%d1%80%d0%b8-%d1%81%d0%b0%d1%80%d0%bc%d0%be%d1%8f%d0%b3%d1%83%d0%b7%d0%be%d1%80%d0%b8%d0%b8-%d0%bf%d0%be%d0%b4%d1%88-h38868.html Sun, 25 Dec 2022 01:29:09 +0000 https://1453kralmedya.com/%d0%bc%d1%83%d0%bb%d0%be%d2%9b%d0%be%d1%82-%d0%b1%d0%be-%d0%b2%d0%b0%d0%b7%d0%b8%d1%80%d0%b8-%d1%81%d0%b0%d1%80%d0%bc%d0%be%d1%8f%d0%b3%d1%83%d0%b7%d0%be%d1%80%d0%b8%d0%b8-%d0%bf%d0%be%d0%b4%d1%88-h38868.html

 

 

 

Мулоқот бо Вазири сармоягузории Подшоҳии Арабистони Саудӣ Холид Ал-Фолеҳ
24.12.2022  , шаҳри Душанбе

24 декабр Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири сармоягузории Подшоҳии Арабистони Саудӣ Холид Ал-Фолеҳро ба ҳузур пазируфтанд.

Дар мулоқот вазъи кунунӣ ва дурнамои ҳамкории Тоҷикистон ва Арабистони Саудӣ дар соҳаҳои мавриди таваҷҷуҳи ҷонибҳо баррасӣ гардид.

Баргузории ҷаласаи навбатии Комиссияи муштараки байниҳукуматӣ ва Форуми сармоягузории Тоҷикистону Арабистони Саудӣ дар шаҳри Душанбе, барои рушду тавсеаи бештари ҳамкориҳои байнидавлатӣ дар ҳамаи соҳаҳо муҳим арзёбӣ карда шуд .

Таъмини рушди ҳамкориҳои байнидавлатӣ дар соҳаҳои иқтисоду тиҷорат таъкид гардида, ҷонибҳо доир ба масъалаи ҷалби сармояи Арабистони Саудӣ ба соҳаҳои афзалиятноки иқтисоди Тоҷикистон табодули афкор намуданд.

Ҷонибҳо барои тақвияти ҳамкорӣ дар самти сармоягузорӣ ҳавасмандӣ зоҳир намуда, зарурати ба роҳ мондани ҳамкориҳои байнидавлатии амалиро дар соҳаҳои кишоварзӣ, саноати сабук ва хӯрокворӣ, дорусозӣ ва истеҳсоли масолеҳи сохтмонӣ, бунёди корхонаҳои муштарак дар ин соҳаҳо таъкид намуданд.

Дар мулоқот масъалаи рушди ҳамкориҳои байнидавлатӣ дар доираи ташкилоту созмонҳо ва хазинаву бонкҳои минтақавию байналмилалӣ низ баррасӣ гардида, саҳми Фонди Саудии Рушд дар татбиқи лоиҳаҳои барои Тоҷикистон муҳим дар соҳаҳои нақлиёт ва маорифу тандурустӣ таъкид карда шуд.

Дар рафти суҳбат Вазири сармоягузории Подшоҳии Арабистони Саудӣ аз номи роҳбарияти кишвари худ Ҷаноби Олӣ, Президенти Ҷумҳурии Тоҷикистон муҳтарам Эмомалӣ Раҳмонро ба муносибати қабул гардидани қатъномаи Маҷмаи Умумии Созмони Милали Муттаҳид доир ба ташаббуси панҷуми ҷаҳонии Тоҷикистон дар бораи эълон кардани соли 2025 ҳамчун Соли байналмилалии ҳифзи пиряхҳо табрик гуфтанд.

Пешвои миллат муҳтарам Эмомалӣ Раҳмон дар навбати худ ба ҷониби Арабистони Саудӣ миннатдории хешро барои мусоидат ва ҷонибдорӣ аз қабули қатъномаи мазкур иброз намуданд.

facebooktwitter

kaynak:http://www.president.tj/node/29830?utm_source=dlvr.it&utm_medium=twitter

 

 

]]> Ифтитоҳи бинои Раёсати Кумитаи давлатии амнияти миллии Ҷумҳурии Тоҷикистон дар ноҳияи Синои шаҳри Душанбе бо дарназардошти хонаҳои истиқоматии хизматӣ https://gazetekatar.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d1%80%d0%b0%d1%91%d1%81%d0%b0%d1%82%d0%b8-%d0%ba%d1%83%d0%bc%d0%b8%d1%82%d0%b0%d0%b8-%d0%b4%d0%b0%d0%b2%d0%bb%d0%b0-h38735.html Tue, 20 Dec 2022 21:43:59 +0000 https://1453kralmedya.com/%d0%b8%d1%84%d1%82%d0%b8%d1%82%d0%be%d2%b3%d0%b8-%d0%b1%d0%b8%d0%bd%d0%be%d0%b8-%d1%80%d0%b0%d1%91%d1%81%d0%b0%d1%82%d0%b8-%d0%ba%d1%83%d0%bc%d0%b8%d1%82%d0%b0%d0%b8-%d0%b4%d0%b0%d0%b2%d0%bb%d0%b0-h38735.html

 

 

 

Ифтитоҳи бинои Раёсати Кумитаи давлатии амнияти миллии Ҷумҳурии Тоҷикистон дар ноҳияи Синои шаҳри Душанбе бо дарназардошти хонаҳои истиқоматии хизматӣ

20.12.2022 , шаҳри Душанбе

Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бинои шуъбаи дар ноҳияи Сино будаи Раёсати Кумитаи давлатии амнияти миллии Ҷумҳурии Тоҷикистон дар шаҳри Душанберо мавриди истифодабарӣ қарор доданд

Иншооти нав аз панҷ ошёна ва таҳхона иборат буда, дар ошёнаҳои болоии он хонаҳои истиқоматии хизматӣ ҷой дода шудааст.

Бино дорои утоқҳои барҳавою замонавӣ буда, барои фаъолияти босамари кормандони шуъба мутобиқ мебошад.

Дар бинои нав ҳамчунин барои тамрини кормандони соҳа толори варзишӣ ташкил гардида, китобхонаи замонавӣ низ дар хизмати онҳо қарор дорад.

Зимни шиносоӣ кормандони шуъбаи амнияти ноҳияи Сино барои бунёди чунин иншооти замонавӣ ва фароҳам овардани шароити мусоиди корӣ ба Сарфармондеҳи Олии Қувваҳои мусаллаҳи мамлакат муҳтарам Эмомалӣ Раҳмон изҳори миннатдорӣ намуданд.

Дар ҳамин ҷо Пешвои миллат калиди хонаҳои истиқоматиро ба оилаҳои кормандони ниҳоди мазкур дар ноҳияи Синои шаҳри Душанбе тақдим карданд.

Зимни боздид иттилоъ дода шуд, ки барои таъмини гармии дохили ҳуҷраҳои корӣ ва хонаҳои истиқоматӣ дегхонаи алоҳида бунёд гардида, ҳамчунин дигар шароити зарурии кор ва истиқомат фароҳам оварда шудааст.

Хонаҳои истиқоматӣ аз як ва ду ҳуҷра иборат буда, бо тамоми лавозимоти рӯзгор таъмин карда шудааст. Аз ҷумла, яхдон, мошини ҷомашӯӣ, қолин, телевизор ва дигар шароити зарурӣ дар хонаҳои навбунёд муҳайё карда шудааст. Ҳуҷраҳои барҳавои истиқоматӣ бо санъати баланду сифати аъло бунёд ёфта, ба пуррагӣ таъмири замонавӣ гардидааст.

Бояд гуфт, ки бунёди шуъба бо назардошти хонаҳои хизматӣ идомаи мантиқии дастгириву таваҷҷуҳи ҳамешагии Президенти Ҷумҳурии Тоҷикистон муҳтарам Эмомалӣ Раҳмон нисбат ба кормандони ниҳодҳои қудратии мамлакат буда, иқдоми навбатӣ туҳфаи бебаҳо барои кормадони шуъба ва оилаҳои онҳо буд.

Ҳамчунин дар саҳни бино майдончаи замонавии бозии кӯдакона бо насби дастгоҳҳои дилхушӣ барои атфол ташкил гардида, барои истироҳати калонсолон дар ин ҷо суҳбаткадаи замонавӣ ва нишастгоҳҳо насб шудааст.

Корҳои сабзкорӣ ва шинонидани гулу буттаҳои ороишӣ ва дарахтони сояафкан дар ҳудуди иншооти нав бо сифату завқи баланд анҷом дода шудааст.

Намои берунаи бинои мазкур бо санъати баланд ва сифати аъло бунёд ёфта, мутобиқ ба меъёрҳои соҳавӣ ва талаботи шаҳрдорист.

Зимни суҳбатҳои самимӣ Сарвари давлат муҳтарам Эмомалӣ Раҳмон кормандони ин ниҳодро вазифадор намуданд, ки дар иҷрои кору масъулияте, ки бар дӯш доранд, ҳамеша ҳушёру зирак бошанд ва барои ҳифзу нигоҳдошти осудагиву ободии Ватан тамоми малакаву маҳорати касбии худро истифода баранд.

 

 

kaynak:http://www.president.tj/node/29801?utm_source=dlvr.it&utm_medium=twitter

 

 

]]>